Жыхарка Дрыбінскага раёна ўзнагароджана ордэнам Маці
За нараджэнне і выхаванне пяці і больш дзяцей ордэнам Маці ўзнагароджаны 114 шматдзетных жанчын з розных рэгіёнаў Беларусі, тры з іх – прадстаўніцы Магілёўскай вобласці. Адпаведны Указ №458 падпісаў Прэзідэнт Беларусі Аляксандр Лукашэнка 29 верасня, расказалі ў камітэце па працы, занятасці і сацыяльнай абароне Магілёўскага аблвыканкама.
Узнагароды ўдастоены хатняя гаспадыня з Бабруйска Наталля Лапаціна, аператар машыннага даення адкрытага акцыянернага таварыства ”Трылесіна-агра“ Дрыбінскага раёна Анжэла Мадудзіна, старшы інспектар па кадрах лакаматыўнага дэпо Магілёў транспартнага рэспубліканскага ўнітарнага прадпрыемства ”Магілёўскае аддзяленне Беларускай чыгункі“ Ірына Тарасевіч.