«Вянкоўцы» з дрыбінскай старонкі» 

Официально

У Дрыбіне ва ўсю кіпіць работа па падрыхтоўцы да VIII рэгіянальнага фестывалю народнай творчасці, народных промыслаў і рамёстваў «Дрыбінскія таржкі». Менавіта ў рамках гэтага фестывалю адбудзецца юбілейнае пасяджэне клуба творчых сустрэч «Вянок Дрыбіншчыны», які ўжо 20 год збірае разам людзей творчых і таленавітых. 

Напярэдадні гэтага свята супрацоўнікі цэнтральнай раённай бібліятэкі вырашылі арганізаваць для жыхароў і гасцей Дрыбіна акцыю-знаёмства «Вянкоўцы» з Дрыбінскай старонкі». 

 Акцыя, накіраваная на папулярызацыю творчасці пісьменнікаў і паэтаў-землякоў, стартавала 2 жніўня і праводзіцца кожны чацверг месяца на цэнтральнай плошчы г.п. Дрыбін з 10 да 13 гадзін.  

У рамках акцыі арганізавана выстава-прадстаўленне «Галерэя славутасцей», на якой змешчаны партрэты, тэматычныя папкі, зборнікі, біяграфічныя звесткі аб паэтах і пісьменніках-земляках. Бібліятэкары знаёмяць людзей з творчасцю аўтараў, расказваюць аб літаратурным конкурсе «Славим Дрибинский наш край», аб клубе творчых сустрэч «Вянок Дрыбіншчыны», які дзейнічае пры раённай бібліятэцы,і, канешне, аб юбілейным пасяджэнні клуба, якое адбудзецца падчас правядзення VIII рэгіянальнага фестывалю народнай творчасці, народных промыслаў і рамёстваў «Дрыбінскія таржкі». 

На памяць кожны ўдзельнік акцыі атрымлівае лістоўку са звесткамі аб аўтарах. А самыя маленькія чытачы – паветраны шарык. 

Мілена Сіліна, бібліятэкар цэнтральнай раённай бібліятэкі 



Добавить комментарий

Ваш адрес email не будет опубликован. Обязательные поля помечены *