Дзень Незалежнасці Рэспублікі Беларусь у Дрыбіне пачаўся з ускладання кветак на алеі Славы

Главные новости

 

 

 

 

 

 

 

 

 

 

 

 

Дзень Незалежнасці Рэспублікі Беларусь у Дрыбіне пачаўся з ускладання кветак на алеі Славы. На мітынг, які адбыўся ля брацкай магілы, прыйшлі прадстаўнікі мясцовай выканаўчай улады, дэпутацкага корпуса, грамадскіх аб’яднанняў, працоўных калектываў.

Павіншаваў з Днём Незалежнасці Рэспублікі Беларусі ад нямецка-фашысцкіх захопнікаў старшыня Дрыбінскага райвыканкама Мікалай Сцяпанаў, які адзначыў, што Беларусь адбылася як суверэнная і незалежная дзяржава, у якой ёсць гераічная гісторыя.

 

— Памяць аб Вялікай Айчыннай вайне непарушная і святая, — падкрэсліў Мікалай Уладзіміравіч.

Віншаванні дрыбінчанам і гасцям горада прагучалі і ад Алега Дземянкаўца, начальніка Галоўнага кантрольна-аналітычнага ўпраўлення Магілёўскага аблвыканкама, айца Сергія, настаяцеля Спаса-Праабражэнскага храма, і лідара маладзёжнай арганізацыі БРСМ Арцёма Шаўкунова.

 

Пасля мітынга ў 10.20 на гарадской плошчы з манітора святлодыёднага экрана будзе прадэманстраваны відэа-канцэрт “Расквітай, зямля родная”, падрыхтаваны салістамі раённага Цэнтра культуры, вечарам, з 21.00, — відэа-праект “Роднай зямлі шматгалоссе”.

У 22.55 на плошчы ля раённага цэнтра культуры адбудзецца Рэспубліканская акцыя «Праспяваем гімн разам».



Добавить комментарий

Ваш адрес email не будет опубликован. Обязательные поля помечены *