Нарадзіўся 20.03.1953 г. у в. Расна Дрыбінскага раёна Магілёўскай вобласці. У 1970 г. скончыў Раснянскую сярэднюю школу, у 1974 г. — геаграфічны факультэт Магілёўскага педінстытута, у 1987 годзе — сцэнарнае аддзяленне Вышэйшых двухгадовых курсаў сцэнарыстаў і рэжысёраў у Маскве. Працаваў настаўнікам і загадчыкам навучальнай часткі ў школах Горацкага і Чэрыкаўскага раёнаў, на Слонімскай папяровай фабрыцы, настаўнікам у вячэрняй школе, у Слонімскім прафесійна-аматарскім тэатры. З 1987 года — член Саюза пісьменнікаў СССР. Друкаваўся ў раённай  газеце «Ленінскі шлях», рэспубліканскім друку. Па творах У. Бутрамеева зняты фільмы, пастаўлены п’есы. Зараз жыве ў Маскве.

Нарадзіўся 10.05.1931 г. у в. Нова-Аляксандраўка Дрыбінскага раёна Магілёўскай вобласці. Беларускі паэт, крытык, перакладчык. Пачаткам літаратурнай працы лічыцца 1948 г. 1955 г. — першы зборнік паэзіі «Паходныя кастры». На беларускую мову пераклаў шэраг твораў савецкіх аўтараў. Творы С. Гаўрусёва перакладзены на рускую і іншыя мовы, многія вершы пакладзены на музыку. Член Саюза пісьменнікаў Беларусі з 1955 г. Лаўрэат літаратурнай прэміі імя А.Куляшова (1987). Памёр 12.03.1988 г.

Нарадзіўся 02.01.1933 г. у в. Галавічы Дрыбінскага раёна Магілёўскай вобласці, пісь-меннік. Друкавацца пачаў з 1962 г., пераважна ў перыядычных выданнях. Выступаў у друку з вершамі. Асаблівага поспеху дамогся як парадыст. Аўтар шматлікіх літаратурных пародый амаль на ўсіх сучасных паэтаў. Першыя кніжкі выдаў у серыі «Бібліятэка “Вожыка» («Хто не смяецца, той не есць» (1994), «Пераход колькасці ў колькасці» (1997), у 1998 г. выйшла кніга гумару і сатыры «Радком па кумпалу» (выд-ва «Мастацкая літаратура»). Член Саюза пісьменнікаў Беларусі (1998). Папулярнасць прынеслі кнігі «Дулі будуць апасля» (2004), «Смехам закаханыя» (2008) і інш. Узнагароджаны вышэйшай адзнакай СПБ-медалём «За вялікі ўклад у літаратуру» (2013). Паспеў падрыхтаваць кнігу выбраных твораў «Смех у мех, а сум у торбу», якая выйшла ў 2015 г. Памёр 12.12.2014 г.

Псеўданімы: М.Бярозкін, К.Мі-хайлаў; нарадзіўся 08.10.1938 г. у в. Халіпы Дрыбінскага раёна Магілёўскай вобласці, паэт, перакладчык. Член Саюза пісьменнікаў Украіны (1984). У 1964 г. пераехаў у Крым. Узнагароджаны медалём, Ганаровай Граматай Вярхоўнага Савета УССР. Першыя вершы на рускай мове надрукаваны ў крычаўскай раённай газеце «Шлях сацыялізма» (1956). У беларускім рэспубліканскім друку ўпершыню выступіў у 1958 г. Яго вершы — прызнанне лірычнага героя-сучасніка ў любові да Радзімы, прысяга на вернасць бацькоўскім заветам. Пісаў гумарыстычныя вершы. Займаўся перакладамі твораў на рускую і беларускую мовы. Памёр 16.03.2000 г., пахаваны ў г. Ялта (Украіна).

Нарадзіўся 26.12.1938 г. у в. Расна Дрыбінскага раёна Магілёўскай вобласці. У гады Вялікай Айчынный вайны знаходзіўся ў дзіцячым доме на Урале. Пасля вайны скончыў Раснянкую СШ, Магілёўскі педінстытут (1962). У 1962-64 гг. служыў матросам на параходзе «Бранск» на далёкім Усходзе. Завочна скончыў Уладзівастоцкую мараходную школу (1963). Друкавацца пачаў з 1962 г. у рэспублі-канскіх і ўсесаюзных часопісах «Нёман», «Полымя», «Юность», «Дальний Восток» і інш. Асноўная тэма творчасці — мора. Член Саюза журналістаў Беларусі з 1971 г., Саюза пісьменнікаў Беларусі з 1987 г. Памёр 03.11.2016 г.

Нарадзілася 28.07.1949 г. у в. Еськаўка Дрыбінскага раёна Магілёўскай вобласці, паэтэса. З 1997 г. — член Саюза пісьменнікаў Рэспублікі Беларусь.  Пісаць вершы пачала з 1980 г. Друкуецца ў раённым, абласным і рэспубліканскім друку. Яе вершы ўключаны ў зборнікі «Петя Зяблик и его кораблик» (1980), «Первая встреча» (1989), «У кого какие сны» (1991), якія выйшлі ў Мінску. Аўтар зборнікаў: «Напиток певчих птиц» (1993), «Отдайте ближнему долги» (1996), «Ликующий полет» (1999), «Моей души колокола» (2000), «Лодка кахання» (2011) і інш. У сваіх вершах спрабуе асэнсаваць векавыя праблемы чалавецтва: каханне, дабро, узаемаадносіны чалавека і свету, чалавека і грамадства, чалавека і Бога. Памерла 16.03.2020 г.

Нарадзіўся 15.01.1936 г. у  в. Сласцёны Дрыбінскага раёна Магілёўскай вобласці, паэт. Літаратурнай творчасцю пачаў займацца з 1970 г. Друкуецца на старонках абласной газеты «Гродзенская праўда», рэспубліканскіх газет «Зорька», «Настаўніцкая газета». Аўтар шматлікіх зборнікаў для дзяцей. Асобныя яго вершы ўключаны ў школьныя падручнікі. Кніга «Нарисую город Гродно» знаходзіцца ў дзесяці найбольш вялікіх бібліятэках свету, у тым ліку Бібліятэцы Кангрэсу ЗША. Лаўрэат прэміі Гродзенскага аблвыканкама імя А. І. Дубко «За творчыя дасягненні ў галіне культуры і мастацтва». Член Саюза пісьменнікаў Беларусі (1991). Зараз паэт жыве ў Гродна.

Нарадзілася 28.11.1984 г. у г. Гарадок Віцебскай вобласці. З 2004 года пражывае ў г.п. Дрыбін. Друкуецца ў раённай газеце «Савецкая вёска». Аўтар зборнікаў «Быть может то моя дорога…» (2015), «Жыві, Радзімы родны кут» (2019), «Я краінай сваёй ганаруся» (2021), а таксама аўтар падрыхтавала зборнік для дзяцей «Прывітанне, дзетачкі» (2023). Член клуба творчых сустрэч «Вянок Дрыбіншчыны». Член Саюза пісьменнікаў Беларусі (2023).